O Homenaxeado do Día das Letras Galegas 2014 é Xosé María Díaz Castro (1914 -
1989), poeta orixinario de Os Vilares de Parga, Guitiriz (Lugo).
Ós 17 anos ingresou no Seminario de Mondoñedo e
cando saíu en 1936, exerceu de profesor de Ensinanza Media en Vilagarcía de
Arousa (Pontevedra). En 1948, tras licenciarse en Filosofía e Letras,
trasladouse a Madrid, onde alternou a docencia coa traducción no Ministerio da
Gobernación. Tamén traballou no Instituto de Cultura Hispánica e no Consello
Superior Científico.
Obras realizadasEscribiu os primeiros versos ós 12 anos e o seu primeiro poema publicouno ós
16 na revista "Lluvia de rosas" (Tarragona) da que foi colaborador. Desde Madrid
publicou asiduamente poemas na revista "Alba". A súa consagración produciuse coa
aparición do tomo IV da Escolma da poesía galega (1955) de Francisco Fernández
del Riego. Tamén publicou poemas e artigos de crítica e ensaio en xornais de
Vilalba, Mondoñedo, Viveiro, Lugo, Pamplona, Vigo e nas revistas "Estafeta
literaria" e "Ínsula" de Madrid. En 1946 publicou Nascida dun sono e El cántico
de la ciudad e en 1961 Nimbos, a súa obra máis importante. Publicou, ademais,
traduccións ó galego e ó castelán de poetas e prosistas europeos, multitude de
poemas e os libros Sombra radiante e Mediodía.
Outros datos de intereseO seu poema "Penélope" foi traducido ó francés na antoloxía Terre d'Espagne
de Francoise Pechère e aparece a referencia crítica á súa obra na revista
alemana "Humboldt". En 1946 gañou os primeiros premios de poesía galega e
castelá nos Xogos Florais de Betanzos (A Coruña).
Aqui tedes material para traballar A Xosé María Díaz Castro o homenaxeado este ano nas Letras Galegas.
Seminario Galán ( documentación por ciclos, actividades en liña e albún de fotos)
Poeta Diz Castro (Vida e obra do poeta galego)
Real Academia Galega(Biografía e obra )
Poema de Xosé María Díaz Castro musicado por Xoán Fuertes Saavedra e interpretado por Fuxan os Ventos. O recitado é do propio poeta e a súa gravación cedida por Xulio Xiz
No hay comentarios:
Publicar un comentario