APRENDER A PENSAR COA BIBLIOTECA ESCOLAR /RADIOSABIDIÑA

"Aprender a pensar coa biblioteca escolar" é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/2018 con destino ás bibliotecas escolares dos centros educativos galegos. O ilustrador Xosé Tomás foi o encargado, nesta ocasión, de realizar a  interpretación gráfica do lema anual. 

Unha biblioteca  escolar actualizada no seu modelo, nos seus recursos e equipamentos, nas súas propostas; atendida con profesionalidade e integrada no día a día do centro educativo, supón unha oportunidade única para axudar a nenas e nenos a desenvolver o seu pensamento crítico, a "aprender a pensar".

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos  para desenvolver o pensamento complexo. Aprender a pensar nas clases de filosofía, pero tamén fóra das aulas regladas, onde a vida flúe en todo o seu misterio. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. 

RADIO SABIDIÑA

LUNA E AROA  EN RADIOSABIDIÑA

O martes 17 de outubro,LUNA E AROA,axudantes de biblioteca e representantes de RadioSabidiña acudiron a dar uns recados a Radio Altamira na sección de "Sabidiña informa".As novas foron as seguintes:

• A partir do luns 16 a biblioeca abre as súas portas para vir cos titores e nos recreos.

• Durante a semana do 18 ao 24 de outubro erá lugar a formaión de usuarios na biblioteca.Entregáranse as mochilas viaxeiras .

• Exposición de Samaín e contacontos de medo para primeiro ciclo.

• Comenzaremos o proxecto deste curso Sabidiña, que arte! e por iso durante a formación teredes que compoñer entre todos uns puzles de tres cadros moi imporantes.

• Tamén lembrarvos que en breve abrirase o plazo para presentarse a ser voluntario da biblioteca.Estade atentos!!!

• Outra cousiña imporante, emos un blog coas novas da biblioteca:BIBLIOSABIDIÑA.

• Lembrade que a biblioteca é un espacio para disfrutar dos libros pero que débese estar en silencio...e coidar os libros.

E LEMBRADE AMIGOS E AMIGAS QUE AÍNDA QUE NON A MIREDES, SABIDIÑA ESTÁ AGOCHADIÑA ENTRE OS LIBROS.