SEMIFINAIS DO CAMPIONATO DE XADREZ

Xa estamos chegando ao final, o xoves 25 de maio tiveron lugar as semifinais do Campionato de Xadrez que está a organizar a Biblioteca coa axuda do voluntariado de Lectura da Biblioteca.

TEATRO DO VOLUNTARIADO: OS SETE CABUXIÑOS E O LOBO

O mércores 24 de maio , os voluntarios de Biblioteca representaron para o alumnado de primerio e segundo nivel a obra: OS SETE CABUXIÑOS E O LOBO, baixo a dirección da profe EVA, membro do Equipo de biblioteca.A obra foi presentada por Candela e Yoli, voluntarias do equipo de Biblioteca.

Noraboa a tod@s polo traballo,esforzo e todas as horas de ensaio .

Candela e Yoli presentando a obra de teatro

LETRAS GALEGAS ,EQUIPO DE DINAMIZACIÓN DA LINGUA GALEGA

O Equipo de Dinamización da Lingua Galega preparou unha proposta de actividades para conmemorar as Letras Galegas.Foron as seguintes:

• Venres 5 de maio os alumnos/as de 1º, 2º e 3º nivel acudiron ao auditorio de Salceda para ver a representación da obra A GALIÑA AZUL a cargo do grupo Ubú teatro.

• Venres 12 de maio o grupo de animación A run run xogos e enredos acudiu o noso colexio para deleitarnos coas seguintes actuacións:

Obra de teatro titulada :Dixo Thais e non se fale máis, para os alumnos de 4º, 5º e 6º nivel.E Contos na Maleta para o alumnado de 1º, 2º e 3º nivel. 

• Martes 16 de maio o alumnado do obradoiro de teatro de 6º nivel representou a obra teatral :As laranxas máis laranxas de todas as laranxas, para todo o alumnado do cole en dúas actuacións.

• O xoves 18 de maio tivo lugar o festival do 3º ciclo e tamén acudiron ao centro o grupo MAIMIÑAS para os niveis de 1º, 2º e 3º.

• O venres 19 de maio tivo lugar o festival do 1º e 2º ciclo,e o alumnado de 4º, 5º e 6º nivel contaron coa actuación do grupo ALGARABÍA.

• A maiores houbo varias EXPOSICIÓNS:
• Exposición de parte do decorado e traxes da obra : As laranxas máis laranxas de todas as laranxas, cedido polo Centro Dramático Galego.

• Exposición de ferramentas de VELLOS OFICIOS:( barbeiros, cesteiros, latoeiros,  costureiras e zapateiros.)

• Exposición relativa a , CARLOS CASARES, realizada coas aportacións dos alumnos de 6º nivel.

LETRAS GALEGAS 2017, CARLOS CASARES

O escritor Carlos Casares (Ourense, 1941-Nigrán, 2002) é o homenaxeado no Día das Letras Galegas no 2017, segundo a decisión pola Real Academia Galega (RAG).

Dende a biblioteca temos unha exposición de libros do autor e tamén realizaremos un obradoiros de marcapaxinas na súa lembranza.

Marcador adicado a CARLOS CASARES

O alumnado de segundo nivel realizou unha exposición de caritaturas do autor, un traballo moi colorido e xenial!!!

Paxinas para traballar a figura de CARLOS CASARES.

• Seminario Galán

http://seminariogalan.org/

• Real Academia Galega:Primavera das letras

http://primaveradasletras.gal/

• Páxina da Asociación de Escritoras e Escritores 
  en Lingua Galega(AELG)

http://www.aelg.org/centro-documentacion/autores-as/carlos-casares